117 կողմ. ԱԺ արտահերթ նիստն ավարտվեց, որոշումն ընդունվեց

Խորհրդարանը 117 կողմ, 0 դեմ, 0 ձեռնպահ ձայներով այսօր ընդունեց արտակարգ իրադրության պայմաններում մեկուսացման պահանջը խախտելը քրեականացնող և այլ պատիժներ սահմանող՝ «ՀՀ քրեական օրենսգրքում լրացում կատարելու մասին» և «Վարչական իրավախախտումների վերաբերյալ ՀՀ օրենսգրքում լրացումներ կատարելու մասին» օրենքների նախագծերի փաթեթը:
Թեև ԱԺ ընդդիմադիր «Բարգավաճ Հայաստան» և «Լուսավոր Հայաստան» խմբակցությունները որոշ բացեր նկատեցին առաջարկվող փաթեթում, այնուամենայնիվ դրական գնահատեցին նախաձեռնությունը։

Հիշեցնենք՝ մարտի 20-ի նիստում ԱԺ-ն առաջին ընթերցմամբ ընդունել էր «ՀՀ քրեական օրենսգրքում լրացում կատարելու մասին» և «Վարչական իրավախախտումների վերաբերյալ ՀՀ օրենսգրքում լրացումներ կատարելու մասին» օրենքների նախագծերի փաթեթը: