Պենտագոնը կպատասխանի Covid-19-ի մարտահրավերին, բայց` 12 ամիս անց

ԱՄՆ պաշտպանության նախարար Մարկ Էսփերն այցելել է ամերիկյան բանակի` Ֆորտ Դետրիկում (Մերիլենդ նահանգ) գտնվող կենսաբանական հետազոտությունների կենտրոն, որտեղ նրան ծանոթացրել են կորոնավիրուսի դեմ պատվաստանյութի ստեղծման աշխատանքներին: Այդ մասին նա տեղեկացրել է մամուլի ասուլիսում. հայտնում է yerkir.am-ը` EADaily-ին հղումով:

«Բանակային գիտահետազոտական կենտրոնի հրամանատարությունն ինձ տեղեկացրել է COVID-19-ին գերժամանակակից պատասխանի մասին: Ինձ պատմել են ընթացիկ փորձարկումների ու փորձերի մասին»,- նշել է Էփսերը`  հավելելով, որ «նրանք անհավանական հնարավորություններ ունեն»:

Ինչ վերաբերում է պատվաստանյութի ստեղծման ժամկետներին, Պենտագոնի ղեկավարը հայտնել է, որ իրեն «տվել են նույն թվերը, ինչ ուրիշներին` 12-18 ամիս»:

«Դա նորմալ ժամկետ է,- հավելել է Էսփերը:- Պետք չէ վստահել նրանց, ովքեր պնդում են, թե դա կարելի է արագ անել»: