Կորոնավիրուսը համարյա կաթվածահար է արել Թուրքիայի առօրյա կյանքը. Էրդողան

Թուրքիան նպատակաուղղված է ապահովել կորոնավիրուսի տարածման առավելագույն վերահսկողություն իր տարածքում: Եթե իշխանությունները շարունակեն ակտիվորեն տեղեկացնել բնակչությանը սպառնալիքի մասին ևապահովել վիրուսի դեմ պայքարի բոլոր միջոցառումները, համաճարակի մասշտաբները փոքր կլինեն: Այսօր Անկարայում կորոնավիրուսի վարակի բռնկման դեմ պայքարի համակարգող նիստում հայտարարել է երկրի նախագահ Ռեջեփ Թայիփ Էրդողանը.  տեղեկացնում է yerkir.am-ը`Anadolu գործակալությանը հղումով:

Նա նշել է, որ կորոնավիրուսի սպառնալիքը համարյա կաթվածահար է արել առօրյա կյանքը և համակցված է բացասական տնտեսական հետևանքների հետ: «Ժամանակաշրջանում, երբ թուրքական տնտեսությունը վերականգնվում է  2018-ի օգոստոսի արժութային սպեկուլյացիաների հետևանքներից հետո, նվազեցնում է ինֆլյացիան և տոկոսային դրույքները, մենք չեն կարող թույլատրել, որ մեր տնտեսությանը նոր հարվածներ լինեն»,- նշել է Էրդողանը` միաժամանակ մատնացույց անելով Թուրքիայի համար հնարավոր տնտեսական շահույթները հումքային շուկայում առկա ներկայիս վիճակից: Ըստ նրա` նավթի գների անկումը և դրա հետ կապված  համաշխարհային ֆինանսական գործընթացները երկրին լրացուցիչ «դիվիդենդներ են խոստանում»:

«Կարևոր է թույլ չտալ, որ պանդեմիան հաղթի մարդկանց, կարևոր է ցուցաբերել դիմացկունություն և քայլեր ձեռնարկել ոչ միայն բժշկության ոլորտում, այլ նաև վտանգավոր հիվանդության տարածման հետևանքով առաջացած հոգեբանական և տնտեսական հետևանքների վերացման ուղղությամբ»,- նշել է Էրդողանը:

Թուրքիայում կորոնավիրուսով վարակվածների թիվը, ըստ մարտի 18-ի առավոտվա տվյալների, հասել է 98-ի: Գրանցվել է առաջին մահը` Թուրքիայի 89-ամյա քաղաքացի, որը վարակվել էր Չինաստան այցելած իր աշխատակցից:

Ի դեպ, Թուրքիան այսօր փակել է իր ցամաքային սահմանները Հունաստանի և Բուլղարիայի հետ: