Կոնգրեսը սահմանափակեց Իրանի դեմ ուժի կիրառման ԱՄՆ նախագահի լիազորությունը

ԱՄՆ կոնգրեսի Ներկայացուցիչների պալատը հավանություն է տվել բանաձևին, որով սահմանափակվում է երկրի նախագահ Դոնալդ Թրամփի լիազորությունը՝ առանց օրենսդիրների թույլտվության Իրանի դեմ ուժ կիրառելու հարցում. հայտնում է Yerkir.am-ը՝ հղումով:

Նշենք՝ ավելի վաղ նախաձեռնությունը հավանության էր արժանացել Սենատի կողմից։

Բանաձևին հավանություն են տվել գրեթե բոլոր դեմոկրատները, ինչպես նաև Հանրապետական կուսակցության 6 ներկայացուցիչ։ Ընդհանուր առմամբ, նախաձեռնությանը կողմ է արտահայտվել 227 կոնգրեսական, իսկ դեմ՝ 186-ը։

Հիմա փաստաթուղթը պետք է ստորագրի պետության ղեկավարը,  բայց Սպիտակ տունն արդեն հայտարարել է, որ նախագահը մտադիր է վետո կիրառել։

Նախագահական վետոն հաղթահարելու  նպատակով դեմոկրատների ձայները չեն բավականացնի, քանի որ Կոնգրեսի վերին պալատը վերահսկվում է հանրապետականների կողմից։