Մայր թատրոնը շուտով կունենա գեղեցիկ և բարեկարգված շրջակայք

Մայր թատրոնը շուտով կունենա գեղեցիկ և բարեկարգված շրջակայք. այս մասին Yerkir.am-ը տեղեկանում է Սունդուկյանի անվան ազգային ակադեմիական թատրոնի ֆեյսբուքյան էջից:

«2019-ին Գ. Սունդուկյանի անվան ազգային ակադեմիական թատրոնի տնօրեն Վարդան Մկրտչյանը դիմել էր Երևան քաղաքի քաղաքապետ Հայկ Մարությանին` թատրոնի շրջակայքը բարեկարգելու նպատակով։

Հուրախություն մեզ 2020-ի հունվարին Երևանի քաղաքապետարանի աշխատակազմի շինարարության և բարեկարգման վարչությունից ստացանք դրական պատասխան։

Շատ շուտով կսկսվեն Սունդուկյան թատրոնի շրջակայքի բարեկարգման շինարարական աշխատանքները։ Հայցում ենք մեր քաղաքացիների և հանդիսատեսի ներողամտությունը սպասվելիք անհարմարությունների համար։

Շուտով Մայր թատրոնը կունենա գեղեցիկ և բարեկարգված շրջակայք։ Ընթացիկ աշխատանքների մասին պարբերաբար կտեղադրենք նորություններ»,- նշված է Մայր թատրոնի էջում: