Սուրիկ Խաչատրյանի վստահեցմամբ՝ Սիսիան-Գորիս ավտոճանապարհը բարեկարգված է

Այսօր ԱԺ-ում մարզերին հատկացված` 2015թ. բյուջեի կատարողականի քննարկմանն էր ներկայացել Սյունիքի մարզպետ Սուրիկ Խաչատրյանը:

Լրագրողները հարցրեցին, թե ի՞նչ ծախսեր է պատրաստվում կրճատել Սյունիքի մարզում: Մարզպետը պատասխանեց, որ ուռճացված ծախսեր Սյունիքում չկան: Ավելին` իր ղեկավարած մարզը 2015 թվականին ավելի լավ է բյուջեն կատարել, քան 2014 թվականին, և համոզված է՝ 2016-ին ավելի լավ արդյունք է գրանցելու:

Անդրադառնալով Սիսիան-Գորիս` ռազմավարական նշանակություն ունեցող ավտոճանապարհի անբարեկարգ վիճակին, Սյունիքի մարզպետը նշեց, որ հիմա լրագրողները կարող են գնալ, ստուգել ու տեսնել, որ ճանապարհները բարեկարգված են, ամեն ինչ նորմալ է, և մասնակի ասֆալտապատում է արվել: