Ադրբեջանի կողմից հայտարարված «դիվերսիան» լավ հեքիաթ է ադրբեջանական հանրության համար. ՊՆ խոսնակ

ՀՀ ՊՆ խոսնակ Արծրուն Հովհաննիսյանը ֆեյսբուքյան էջում գրառում է կատարել`նշելով, որ Ադրբեջանի կողմից հայտարարված «դիվերսիան» «ուղղակի լավ հեքիաթ» է՝ նախատեսված ադրբեջանական հանրության համար. հայտնում է Yerkir.am-ը:

«Դա լիովին ապատեղեկատվություն է։ ՀՀ ԶՈւ-երը ընդամենը պատասխանել են ադրբեջանական սադրանքներին, որի արդյունքները ինքներդ եք տեսնում։ Դեռ ավելին, հայկական կողմը այս ամենով դեռ զսպվածություն է դրսևորում»,- գրել է Հովհաննիսյանը։

Հիշեցնենք՝ ավելի վաղ ՀՀ ՊՆ խոսնակ Արծրուն Հովհաննիսյանը ֆեյսբուքյան իր էջում գրառում էր արել` հայտնելով, որ ադրբեջանական ԶՈւ ստորաբաժանումները կրակ են բացել ՀՀ մարտական դիրքերի ուղղությամբ: