Թեհրանը հերքում է Ռոհանիի հրաժարականի մասին տեղեկությունները

Իրանի ղեկավարությունը հերքում է այն տեղեկությունները, ըստ որի երկրի նախագահ Հասան Ռոհանին հրաժարական է տվել. ըստ Yerkir.am-ի՝ հայտնում է «Ինտերֆաքս» գործակալությունը:

«Ռոհանին մնում է մեր երկրի նախագահը մինչև իր նախագահության ժամկետի ավարտը», - այս մասին լրագրողների հետ զրույցում հայտարարել է իրանական կառավարության պաշտոնական ներկայացուցիչ և Ռոհանիի խորհրդական Ալի Րաբիին:

Al-Monitor-ը գրում է, որ նմանատիպ լուրերի հետևում կանգնած է նախկին պահպանողական պատգամավոր Ալիռազա Զաքանին: Ռոհանին հայտնի է իր բարեփոխումային ու նորարար քաղաքականությամբ, ինչը երկրի պահպանողականներին մոտ դժգոհություն է առաջացնում: