ՏԵՍԱՆՅՈՒԹ․ Կարող է՞ պատահել այս հանրաքվեն քաղաքական ուժերի դիրքավորման համար են արել․ Լարիսա Ալավերդյան

Կարող է՞ պատահել այս հանրաքվեն հենց դրա համար են արել, որ քաղաքական ուժերը դիրքավորվեն՝ ըստ Yerkir.am-ի ասաց ՄԻՊ նախկին պաշտպան Լարիսա Ալավերդյանը մամուլի ասուլիսում։

«Որովհետև եթե նայում ես խնդրին՝ ո՞րն է այն շտապողականության պատճառը զուտ մեկ՝ ՍԴ վերաբերյալ բավականին ոչ կոռեկտ ձևով քննարկված և ընդունված որոշումը դնել հանրաքվեի, այլ բան չի մնում մտածել։ Ես, օրինակ, մտածում էի, որ դա հնարավոր է ապագայում՝ ապրիլին»,-ասաց նա։

Լարիսա Ալավերդյանի դիտարկմամբ՝ այն նշանակությունը, որ տրվում է այս հանրաքվեին, դուրս է այն հարցապնդումից, որը կա նախագծի մեջ։

Հիշեցնենք, որ ԱԺ «Իմ քայլը» խմբակցության նախաձեռնությամբ՝ ապրիլի 5-ին նշանակվել է Սահմանադրության փոփոխության հանրաքվե։ Սահմանադրության դրույթներից մեկի փոփոխմամբ մտադիր են դադարեցնել ՍԴ 7 անդամների լիազորությունները։ Շատ իրավաբանների գնահատմամբ՝ գործընթացը հակասահմանադրական է, քանի որ փոփոխությունների նախագիծը ոչ միայն ապօրինի շրջանցել է ՍԴ վավերացումը, այլև չի պահպանվել ԱԺ կանոնակարգ օրենքի պահանջը՝ փաստաթուղթը հանրաքվեի ուղարկելու հարցում։

Մանրամասն՝ տեսանյութում․