Վրաստանում փորձել են 13.000 դոլարով նորածնի վաճառել. ձերբակալվել է նրա մայրն ու 2 բժիշկ

Վրաստանում ձերբակալվել է 7 մարդ, որոնք փորձել են նորածնի վաճառել. ըստ Yerkir.am-ի այս մասին հայտնում է apsny.ge-ն՝  Վրաստանի ֆինանսների նախարարության քննչական ծառայության հայտարարությանը հղումով:

Ձերբակալվածների թվում են նաև երեխայի մայրն ու 2 բժիշկ. վերջիններիցս մեկը նախկինում դատվածություն է ունեցել նմանատիպ հանցագործություն կատարելու համար:

Ըստ քննչական արձանագրության՝ ձերբակալվածները պլանավորել էին վաճառել երեխային ու ստացված գումարը բաժանել միմյանց միջև:

Երեխային գնելու համար պոտենցիալ գնորդ է եղել, ով համաձայնել է վճարել 13.000 ԱՄՆ դոլար:

Վրացական քրեական օրենսգրքի 143-1 հոդվածի 3-րդ մասով, այն է՝ մարդկանց թրաֆիքինգ, անչափահասի նկատմամբ ապօրինի գործողություններ՝ նախնական համաձայնությամբ՝ կատարված մի խումբ անձանց կողմից, ձերբակալվածներին սպառնում է 14-17 տարվա ազատազրկում: