Դադարեցրեք հեռարձակումը. Դավիթ Տոնոյանը` լրատվամիջոցին

Հունվարի 30-ին Արցախի ուսումնական կենտրոնում մահացած N զորամասի պարտադիր ժամկետային զինծառայող, շարքային Վահրամ Ավագյանի  դին հարազատները այսօր Երևան էին բերում:

Նրանց հետ բանակցելու էր գնացել ՀՀ պաշտպանության նախարար Դավիթ Տոնոյանը:

«Բոլորիս թասիբի խնդիրն է, ամեն ինչ կկարգավորվի, ես դրա համար եմ, որ կարգավորվի»,- հարազատների հետ զրույցում ասաց նախարար Տոնոյանն ու հորդորեց դադարեցնել դեպի Երաևան դին տեղափոխելու գործողությունները:

Դավիթ Տոնոյանը նշեց՝ այն ինչ հայտնի է նախաքննության մարմիններին, իրեն էլ է հայտնի: Պաշտպանության նախարարն ու զոհվածի հարազատները առանց լրատվամրոցների առանձնազրույց ունեցան:

«Ցանկացած իմ ասած դառնալու է շահարկման թեմա: Ես որևէ ապացույց չունեմ, որ եղել է ինքնասպանություն: Դրա համար մենք դադարեցնում ենք և ես դրա վերաբերյալ ծնողներին ասել եմ: Որևէ մեկը պնդելու կամ հակառակը ասելու, որ եղել է ինքնասպանություն չի կարող, իրավունք չունի, հանգամանքները պարզվելու են: 3 ձերբակալված կա, ընդ որում, ձերբակալվածներց մեկը այն անձնավորության երեխան է, որի մասին շատ են խոսում՝ Մովսես Առաքելյանի մասին է խոսքը»,- նշեց նախարարը:

Դեպքի բոլոր հանգամանքները կպարզվի հարուցված քրեական գործի շրջանակում, ինչպես պարզվում են նախկին բոլոր դեպքերը, հավաստիացրեց Տոնոյանը:

«Ամեն ինչ պարզվում է: Ես մի բան եմ խնդրում՝ դադարեցրեք այս հեռարձակումը»,- հորդորեց  Դավիթ Տոնոյանը: