Ռուսաստանի և Թուրքիայի ներկայացուցիչները Լիբիայի հարցն են քննարկում. Զախարովա

Մոսկվայում այսօր հանդիպում է անցկացվում Ռուսաստանի և Թուրքիայի բարձրաստիճան պաշտոնյաների մասնակցությամբ՝ Լիբիայում իրավիճակի վերաբերյալ։

Ի տարբերություն Սիրիայի՝ այս դեպքում երկու կողմերը տարբեր ճամբարներում են։ Այս մասին, ըստ Yerkir.am-ի, իր ֆեյսբուքյան էջում տեղեկացնում է ՌԴ ԱԳՆ պաշտոնական ներկայացուցիչ Մարիա Զախարովան:

Նա նշել է. 

«Երկու կողմերից բանակցություններին մասնակցում են պաշտպանության ու արտաքին գործերի նախարարները, այլ բարձրաստիճան ներկայացուցիչներ։ Բանակցություններին հաջորդելու է ավելի լայն կազմով նիստ, որին մասնակցելու են նաև Լիբիայի հակամարտող կողմերի ներկայացուցիչները»:

Հիշեցնենք՝ Լիբիայի ազգային բանակի ղեկավար, մարշալ Խալիֆա Հաֆթարը ժամանել էր Մոսկվա, որտեղ բանակցություններ պետք է կայանան Լիբիայի Ազգային համաձայնության կառավարության վարչապետ Ֆայեզ Սարաջի հետ: