Թրամփի ճանաչվածության վարկանիշը ամենաբարձր ցուցանիշին է հասել

ԱՄՆ նախագահ Դոնալդ Թրամփի ճանաչվածության վարկանիշը հասել է ամենաբարձր ցուցանիշին՝ չնայած ԱՄՆ Ներկայացուցիչների պալատի դատական հանձնաժողովի քվեարկությանը, որի համաձայն հաստատվել են Թրամփի իմպիչմենթի 2 հոդվածները. Yerkir.am-ի՝ հայտնում է ՌԻԱ «Նովոստի»-ն՝ Quinnipiac University-ի հարցման արդյունքներին հղումով:

«Գրանցված ընտրողների 43 տոկոսը պնդում է, որ հավանություն է տալիս նրա աշխատանքին, իսկ 52 տոկոսը նախագահի աշխատանքին հավանություն չի տալիս»,- պարզաբանվում է հաղորդագրության մեջ:

Մինչ իմպիչմենթի հարցով լսումներն անցկացված հարցման համաձայն՝ մասնակիցների միայն 38 տոկոսն է հավանություն տալիս նախագահական աշխատանքին:

Quinnipiac University-ի վերլուծաբան Մերի Սնոուի կարծիքով՝ նման բարձր մակարդակը պայմանավորված է նրանով, որ երկրում տնտեսությունն ամրապնդվել է:

Ըստ հարցման՝ անկախ թեկնածուների շրջանում Թրամփի վարկանիշը բարձրացել է նրա երդմնակալության արարողության պահից:

Հարցումն անցկացվել է դեկտեմբերի 11-15-ը ամբողջ երկրի տարածքում 1390 գրանցված ընտրողների շրջանում: Վիճակագրական վրիպումը կազմում է գրեթե 2.6%: