Արման Բաբաջանյանը նոր քաղաքական միավորում է ստեղծում, ասում է` ընդդիմադիր

Ես հեղափոխական չեմ, չեմ եղել, բայց նաև չեմ կարող չլինել այդ հեղափոխության պաշտպանը. հեղափոխության օրակարգը պաշտպանող միավորների և անհատների մասնակցությամբ հավաքի ընթացքում ասաց Ազգային ժողովի անկախ պատգամավոր Արման Բաբաջանյանը և հայտարարեց միավորում ստեղծելու մասին: Նա առաջարկեց համախմբվել գաղափարախոսական ընդհանրությունների շուրջ, որպեսզի կարողանան հեղափոխական փոփոխություններ անել. տեղեկացնում է yerkir.am-ը:

Ըստ Բաբաջանյանի` հեղափոխությունը վտանգում են ոչ միայն նախկինները, այլ նաև ներկա իշխանության ներկայացուցիչները: Նրա խոսքով՝ անցած 1,5 տարում իշխանության քայլերում չեն եղել հեղափոխական փոփոխություններ:

Պատգամավորը տեսակետ հայտնեց, որ այսօր երկրում իշխանությանը հակակշռող ուժ չկա, խորհրդարանական ընդդիմությունն այդ հակակշիռը չէ: Ըստ նրա` հենց հակակշռի բացակայությունն է ստիպել իրեն նման հավաք կազմակերպել: