«Մեդիա Պաշտպան»-ը՝ հայ և ադրբեջանցի լրագրողների փոխայցի մասին

Վերջին օրերին մեդիադաշտում քննարկվում է հայ լրագրողների այցն Ադրբեջան և ադրբեջանցի լրագրողների այցը Հայաստան ու Արցախ։

Ըստ Yerkir.am-ի՝ «Մեդիա պաշտպան» նախաձեռնությունը հետևել է արձագանքներին և ֆիքսել, որ ադրբեջանցի լրագրողներն իրենց ավելի քաղաքականացված են դրսևորել՝ համացանցում նկարներ են հրապարակել, Շուշին և Քարվաճառը ներկայացրել են որպես իրենց հայրենիք։

Հայ լրագրողներն Ադրբեջանում տարբեր հանդիպումներ և քննարկումներ են ունեցել։ Այնուհետև Ադրբեջանի արտաքին գործերի նախարարությունից հայտարարություն է տարածվել, ըստ որի՝ հայ լրագրողները հանդիպել են ԼՂՀ ադրբեջանական համայնքի ներկայացուցիչների հետ։ Ճիշտ է, այս փաստը հերքվել է մեր լրագրողների կողմից, բայց արձագանքները դեռ շարունակվում են։

Պետական մարմիններն ու հայ դիվանագետները պետք է կանխատեսեին նման քաղաքական մանիպուլյացիաներն ու կանխարգելման միջոցներ ձեռնարկեին։ Փաստացի մեր լրագրողները գտնվել են զբոսաշրջիկի կարգավիճակում, իսկ ադրբեջանցի լրագրողները քաղաքական գործունեություն ծավալել։