Վրաստանի ճանապարհային դեպարտամենտի աշխատակիցներն ապամոնտաժել են Ջավախքի երկու հայկական գյուղերի ցուցանակները. Գրիգորյան

«Ջավախք» հայրենակցական միության փոխնախագահ Արտյուշ Գրիգորյանն իր ֆեյսբուքյան էջում գրում է. 

«Վրաստանի ճանապարհային դեպարտամենտի աշխատակիցները հերոսաբար ապամոնտաժել են Ջավախքի երկու հայկական գյուղերի՝ Մաջադիայի և Դադեշի ցուցանակները, որտեղ կար բնակավայրերի անվանման հայերեն նշագրում՝ անգլերենի և վրացերենի կողքին։ Այս քաջ և խիզախ քայլից հետո Վրաստանում ամեն ինչ կընկնի իր տեղը, ընդդիմությունը կդադարեցնի իր՝ արդեն զանգվածային դարձած միտինգները, ռուսները հետ կվերադարձնեն Աբխազիան և Օսեթիան, Թուրքիան կհրաժարվի Աջարիան թուրքացնելու իր ծրագրերից, Ադրբեջանը կմոռանա Դավիթ Գարեջիի վանական համալիրի մասին և վրացիները կապրեն ուրախ և երջանիկ։

Շնորհավորում եմ»: