ՈՒՂԻՂ. Մեկնարկել է «Պետականություն և արժեհամակարգ. մարտահրավերներ և անելիքներ» թեմայով խորհրդաժողովը

«Անի պլազա» հյուրանոցի «Նաիրի» սրահում մեկնարկել է «Պետականություն և արժեհամակարգ. մարտահրավերներ և անելիքներ» խորագրով խորհրդաժողովը:

Խորհրդաժողովին իրենց մասնակցությունն են բերել բուհական և ակադեմիական շրջանակների, ստեղծագործական միությունների ներկայացուցիչներ, առանձին մտավորականներ և քաղաքագետներ: 

Խորհրդաժողովի ընթացքում քննարկվելու են ազգային պետականությանը, կրթական, մշակութային և լեզվական քաղաքականություններին առնչվող հարցեր, փորձ է արվելու ուղենշել մտավորականության և պետական կառույցների անելիքներն ու խնդիրները:

Նախաձեռնող խումբը նպատակ ունի այս հարթակը դարձնել շարունակական՝ արծարծելու և արժևորելու հանրությանը հուզող հոգևոր - մշակութային խնդիրները:

Խորհրդաժողովի պատասխանատուներն են ՀՅԴ ԳՄ անդամներ Լիլիթ Գալստյանն ու Արծվիկ Մինասյանը: