Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Թուրքիայի պաշտպանության նախարարությունը «Իսլամական պետության» պարագլուխ Աբու Բաքր ալ Բաղդադիի չեզոքացնելու մասին հաղորդագրությունների ֆոնին հայտարարել է, որ ամերիկացի և թուրք զինվորականները տեղեկություններ են փոխանակել անցած գիշեր սիրիական Իդլիբում իրականացված գործողությունից առաջ։
«Անցած գիշեր Իդլիբում ԱՄՆ-ի իրականացրած գործողության նախօրեին տեղի է ունեցել տեղեկատվության փոխանակում և գործողությունների համակարգում երկու երկրների ռազմական իշխանությունների միջև»,- նշվում է թուրքական ռազմական գերատեսչության հայտարարության մեջ։
Ավելի վաղ ԶԼՄ-ները հաղորդել էին, որ ԱՄՆ-ն շաբաթ Սիրիայում հատուկ գործողություն է իրականացրել, որը նպատակ է ունեցել չեզոքացնել ԻՊ-ի պարագլուխ ալ Բաղդադիին:
Ըստ հաղորդման՝ ԱՄՆ նախագահ Դոնալդ Թրամփը հավանություն է տվել գործողության անցկացմանը՝ դրա մեկնարկից գրեթե մեկ շաբաթ առաջ, իսկ ավարտից հետո Twitter-ում հաղորդագրություն է տեղադրել «շատ նշանակալի իրադարձության» մասին, որը տեղի է ունեցել վերջերս, սակայն չի պարզաբանել, թե ինչի մասին է խոսքը: