ՀՅԴ Լիբանանի ներկայացուցիչները հանդիպել են վարչապետ Սաադ Հարիրիի հետ

ՀՅԴ Լիբանանի Կենտրոնական կոմիտեի ներկայացուցիչ, պատգամավոր Հակոբ Բագրատունին եւ Լիբանանի զբոսաշրջության նախարար Ավետիս Կիտանյանը հանդիպել են վարչապետ Սաադ Հարիրիի հետ՝  նրա տանը: ՀՅԴ պատվիրակությունը շեշտել է ժողովրդի պահանջներին ընդառաջելու կարեւորությունը:

Թեեւ, անդրադառնալով կառավարության հրաժարականի պահանջին, պատվիրակության անդամները նշել են, որ այս փուլում դա ավելի կբարդացնի քաղաքական ճգնաժամը, եւ երկիրը կկանգնի անորոշ, անկանխատեսելի եւ անհակակշռելի վտանգների առջև:

Ներկա իրավիճակը հաղթահարելու համար թե′ ՀՅԴ պատվիրակությունը, թե′ վարչապետ Հարիրին ընդգծել են արտակարգ քայլերի դիմելու անհրաժեշտությունը: