Թուրքիան Սիրիա կմտնի 5 կմ խորությամբ

Ռուսաստանը, Իրանը, ԱՄՆ-ը, Սիրիան և «Սիրիայի դեմոկրատական ուժերը» համաձայնության են եկել Թուրքիայի՝ Սիրիայի տարածքում 5 կմ խորությամբ առաջ շարժվելու վերաբերյալ: Այս մասին հայտնում է Արտաքին քաղաքականության հետազոտությունների ինստիտուտի տնօրեն Աարոն Շտեինը:

Թուրքական Artıgerçek.com կայքը նշում է, որ ՌԴ նախագահ Վլադիմիր Պուտինի և Սիրիայում ՌԴ հատուկ ներկայացուցիչ Ալեքսանդր Լավրենտևի մամլո ասուլիսի ժամանակ հայտարարվել է, որ Թուրքիայի ԶՈւ-ին թույլատրվել է Սիրիայի տարածքում խորանալ 5 կմ խորությամբ, որը հիմնված է 1998 թ. Ադանայի համաձայնագրի վրա: «Ըստ այդ համաձայնագրի՝ թուրքական բանակը կարող է մտնել Սիրիա, սակայն մշտապես չի կարող մնալ: Մենք դեմ ենք Թուրքիայի՝ սիրիական հողերում մշտապես մնալուն»,- նշվել է ասուլիսի ժամանակ:

Լավրենտևը նաև նշել է, որ Էրդողանը հավաստիացրել է, որ գործողության ավարտից հետո հետ է քաշելու զորքերը Սիրիայի հյուսիսից: