Արտակարգ դեպք՝ Արարատում. Յուվեցի Կարոյին պատկանող գազալցակայանում մեքենաներ են այրվում

Քիչ առաջ արտակարգ դեպք է տեղի ունեցել Արարատի մարզում։ Ժամը 13։30-ի սահմաններում, դեռևս անհայտ հանգամանքներում, Երևան-Երասխ ավտոճանապարհի Շահումյան գյուղի վարչական տարածքում գտնվող գազալցակայանում հրդեհ է բռնկվել խոտով բարձված բեռնատար ավտոմեքենայում։

Shamshyan.com-ի հաղորդմամբ՝ կրակը տարածվել է ու վնասել մեկ այլ ավտոմեքենա։ Մինչ հրշեջների ժամանումը, կրակի տարածման դեմ պայքարում էին քաղաքացիներն ու գազալցակայանի աշխատակիցները։

Աղբյուրի հաղորդմամբ՝  նշված գազալցակայանը պատկանում է Ազգային ժողովի նախկին պատգամավոր Կարո Կարապետյանին, որ սպանվել էր ԱԺ մեկ այլ պատգամավոր՝ Կարամելի Հարութ մականվամբ Հարություն Կարագյոզյանի կողմից, որն էլ իր մոտ եղած ատրճանակով ինքնասպան էր եղել։