Ժողովրդի վարչապետը վրեժ է լուծում համալսարանը չավարտելու փաստի համար. Վահագն Վարագյան

ԵՊՀ ուսանողների հետ տարվող աշխատանքների կենտրոնի տնօրեն Վահագն Վարագյանը, անդրադառնալով ԿԳՄՍ նախարար Արայիկ Հարությունյանի ֆեյսբուքյան հայտարարությանը, թե ԵՊՀ 100-ամյակը մեծ շուքով նշելու համար ստեղծվելու է պետական հանձնաժողով, իր ֆեյսբուքյան էջում գրում է. «Արայիկ Հարությունյանի այս լայվից անցել է շուրջ 7 ամիս, բայց այդպես էլ ԵՊՀ 100-ամյակի պետական հանձնաժողով չի ստեղծվել: Կարո՞ղ ենք եզրակացնել, որ նախարարը չգիտի, թե ի՞նչ է նշանակում պետական հանձնաժողով, կամ էլ ժողովրդի վարչապետը չի կարողանում համակերպվել փաստի հետ, որ չի կարողացել ավարտել համալսարանն ու հիմա վրեժ է լուծում: Կա՞ մի խոստում, որ տվել եք և արել եք: Ի վերջո, շատ ազգային-պետական հաստատություններ ունե՞նք, որ 100-ամյա պատմություն ունեն: Կարելի՞ էր այսչափ քինախնդիր լինել: ԵՊՀ-ն երբեք այսչափ արհամարհված չի եղել, այն էլ, երբ պետք է նշվեր Մայր Բուհի հիմնադրման 100-ամյակը: Սա կարող է փաստել ցանկացած համալսարանական, բացի իշխանությունների դրածոներից»:

https://www.facebook.com/vahagn.varagyan?epa=SEARCH_BOX