Դատավոր Դավիթ Գրիգորյանը մեղադրյալի կարգավիճակ չունի. ՀՔԾ

Երևանի ընդհանուր իրավասության դատարանի դատավոր Դավիթ Գրիգորյանը Հատուկ քննչական ծառայությունում քննվող քրեական գործի շրջանակներում դեռևս չունի մեղադրյալի կարգավիճակ չէ, Yerkir.am-ի հետ զրույցում այս մասին ասաց Հատուկ քննչական ծառայության մամուլի քարտուղար Մարինա Օհանջանյանը։

Հիշեցնենք, որ դատավորի նկատմամբ քրեական գործը հարուցվել է պաշտոնեական կեղծիքի մեղադրանքով։ Բարձրագույն դատական խորհուրդը հայտարարություն էր տարածել, որի համաձայն` հուլիսի 26-ին ՀՀ գլխավոր դատախազի պաշտոնակատարի կողմից Բարձրագույն դատական խորհուրդ է ներկայացվել միջնորդություն՝ երեք դրվագով Հայաստանի Հանրապետության քրեական օրենսգրքի 314 հոդվածի 1-ին մասի (պաշտոնեական կեղծիք) հատկանիշներով քննվող քրեական գործով դատավոր Դավիթ Գրիգորյանի նկատմամբ քրեական հետապնդում հարուցելու համաձայնություն տալու մասին։