ԿԺԴՀ-ն անջատել է Հարավային Կորեայի հետ արտակարգ կապը

Հյուսիսային Կորեան հայտարարել է, որ անջատել է Հարավային Կորեայի հետ արտակարգ ռազմական կապի գիծը, որից օգտվում էին Կեսոն արտադրական գոտու ապառազմականացման աշխատանքներ իրականացնելիս. տեղեկացնում է Associated Press-ը:

Այդ կապը չափանզանց կարեւոր էր, քանի որ Կեսոնում ամեն օր աշխատում են բանվորներ երկու Կորեաներից: Այսօր Հարավային Կորեայից Կեսոն է մեկնել արտադրական ձեռնարկությունների մոտ 900 ծառայող: Կանդրադառնա՞ կապի անջատումը նրանց տունդարձի վրա, դեռեւս հայտնի չէ:

Բացի դրանից` ԿԺԴՀ-ն կոշտ հայտարարություն է տարածել, որում Հարավային Կորեայի նախագահ Պակ Կըն Խեին խորհուրդ է տվել «հետեւել լեզվին». վերջինս հայտարարել էր, թե Փհենյանը պետք է նվազեցնի իր միջուկային հավակնությունները եւ դրա փոխարեն հոգ տանի իր սոված քաղաքացիների մասին:

ԿԺԴՀ-ն նաեւ զգուշացրել է ՄԱԿ-ի Անվտանգության խորհրդին, որ թերակզղին միջուկային պատերազմի շեմին է «ԱՄՆ-ի եւ դրա հարավկորեական մարիոնետների սադրիչ գործողությունների պատճառով»: