Դա բարեկրթության և մեծության նշան է. Զախարովան` Հայաստան այցից տպավորությունների մասին. տեսանյութ

ՌԴ ԱԳՆ պաշտոնական ներկայացուցիչ Մարիա Զախարովան «Воскресный вечер с Владимиром Соловьевым» հաղորդման եթերում մեկնաբանել է իր` Հայաստան կատարած այցը. հայտնում է Русарминфо-ն: Նա ասել է, որ հավանել է Հայաստանը:

Զախարովան պատմել է, որ իրեն ընդունել են շատ տարբեր մարդիկ: «Եղել են զրույցներ լրագրողների, պաշտոնական անձանց հետ, քանի որ ես գործուղմամբ էի այնտեղ: Եղել են նաև հասարակության ներկայացուցիչներ, մշակույթի գործիչներ և այլն: Գիտեք` մենք քննարկել ենք բոլոր թեմաները` քաղաքական, մենք քննարկել են բարդ թեմաներ, պատմական թեմաներ, մենք քննարկել ենք ցավոտ թեմաներ»,-պատմել է ՌԴ ԱԳՆ պաշտոնական ներկայացուցիչը:

Զախարովան նշել է, որ իրեն ապշեցրել է այն փաստը, որ հայերը, որոնք շատ տաքարյուն են,  և որոնց համար  պատմության, սեփական մշակույթի և սեփական արժանապատվության հարցերը ազգային  հպարտության մասն են, կարող են խոսել բարդ թեմաներից: Նրա խոսքով` դա բարեկրթության և մեծության նշան է, որը հասու չէ բոլորին: