С-400-ի մատակարարման վերաբերյալ համաձայնագիրը Էրդողանը համարել է Թուրքիայի պատմության մեջ կարևորագույն փաստ

Թուրքիայի նախագահ Թայիփ Էրդողանը С-400 ռուսական զենիթահրթիռային նորագույն համակարգերի գնման և մատակարարման վերաբերյալ համաձայնագիրը համարում է ամենակարևոր փաստը Թուրքիայի պատմության մեջ, քանի որ դա ոչ թե շուկայական հարաբերությունների հարց է, այլ համագործակցության, համատեղ արտադրության հասնելու գործընթաց: Այս մասին հաղորդում է РИА Новости-ն:Ըստ Էրդողանի, նման համագործակցությունից հետո կարելի է խոսել նաև С-500-ի գնման մասին, կրկին` Ռուսաստանից:

«Մենք միայն այսօրվա մասին չենք մտածում, մենք պետք է մտածենք նաև վաղվա օրվա մասին»,- հայտարարել է Էրդողանը` ընդգծելով, որ С-400-ի գործարքը չի նշանակում, թե Թուրքիան պատրաստվում է պատերազմական գործողությունների: Թուրքիան միայն ցանկանում է պաշտպանել իր ազգային անվտանգությունը:Ըստ Էրդողանի, ՆԱՏՕ-ն երջանիկ պետք է լինի Թուրքիայի կողմից  С-400-ի ձեռքբերմամբ, քանի որ դրանով ՆԱՏՕ-ն էլ ավելի ուժեղ կդառնա: