Խորհրդարանի վրա գրոհը միշտ էլ հանգեցրել է ծանր հետևանքների. Վրաստանի վարչապետ

«Հզոր պետական ինստիտուտները միակ ճանապարհն են, որպեսզի Վրաստանը կայանա որպես հաջողակ եվրոպական պետություն»,- այս մասին հայտարարել է Վրաստանի վարչապետ Մամուկա Բախտաձեն՝ այսօր կառավարության նիստից առաջ անցկացված մամլո ասուլիսին: Նրա խոսքերով՝ անկախ Վրաստանի պատմության մեջ երկու անգամ իշխանափոխություն է տեղի ունեցել բռնի ճանապարհով, երկու դեպքում էր  գրոհել են Վրաստանի խորհրդարանը, երկրի համար երկուսն էլ ավարտվել են ծանր հետևանքներով:

«Դա բերել է ավտորիտարիզմի, մեր տարածքների բռնազավթման, եղբայրներին սպանող պատերազմի, տնտեսական կոլապսի և երկրում լիարժեք քաոսի: Մինչ օրս զգում ենք այս ծանր իրադարձությունների հետևանքները: Դրա փորձը եղել է նաև երրորդ անգամ: Երկու դեպքում էլ պարզվել է, որ պետական ինստիտուտները պատշաճ կերպով չէին աշխատում, մասնավորապես ՆԳՆ-ը, քանի որ նրանց պարտականությունն էր խուսափել այդ ծանր սցենարից: Այսօր այլ վիճակ է, մենք և ՆԳՆ-ը կարողացանք խուսափել այդ սցենարից: Այստեղից ելնելով՝ նախարարը, ինչպես նաև ՆԳՆ-ը անձամբ իմ և հանրության յուրաքանչյուր անդամի կողմից արժանի են երախտագիտության և աջակցության»,- հայտարարել է Մամուկա Բախտաձեն: