Թրամփը հաստատել է, որ վերջին պահին չեղարկել է Իրանին հարվածելու որոշումը

ԱՄՆ նախագահ Դոնալդ Թրամփը հաստատել է, որ հրահանգել է չեղարկել Իրանի դեմ ծրագրված հարվածները. հայտնում է РИА Новости-ն:

«Իրանն անօդաչու է խոցել միջազգային ջրերում: Երեկ երեկոյան մենք լիովին պատրաստ էինք պատասխանի` երեք տարբեր օբյեկտների հարվածելով, սակայն ես հարցրեցի` որքա՞ն մարդ կզոհվի: «150, պարո'ն»,- պատասխանեց ինձ գեներալը։ Հարվածից 10 րոպե առաջ ես չեղարկեցի որոշումը, դա անհամաչափ պատասխան էր անօդաչու խոցելուն»,- գրել է նա իր թվիթերյան էջում:

Թրամփը նաև հավելել է, որ Իրանը երբեք չի կարողանա ԱՄՆ-ի և աշխարհի դեմ միջուկային զենք ստեղծել:

Ավելի վաղ The New York Times-ը հայտնել էր, որ Թրամփը վերջին պահին չեղարկել է Իրանին հարվածելու որոշումը: