Արմեն Սարգսյանը ոչ կոմպետենտ կամ fake նախագահ է. բողոքի ակցիա` Բաղրամյան պողոտայում

Այս պահին «Քաղաքացիական գիտակցություն» ազատական ՀԿ-ի և AntiFake.am փաստերի ստուգման և տեղեկատվության տրամադրման կայքի նախաձեռնությամբ իրականացվում է խորհրդանշական «#Anti_Fake_PRESIDENT»  բողոքի ակցիան, որի մասնակիցները Բաղրամյան 1 հասցեից քայլելու են Բաղրամյան 26՝ դեպի ՀՀ նախագահի նստավայր, որտեղ նրանք Արմեն Սարգսյանին շնորհելու են հատուկ մրցանակ։

Կազմակերպիչների խոսքով`իրենց նախաձեռնությամբ իրականացվող բողոքի ակցիայի հիմնական նպատակն է «ՀՀ քաղաքացիների ուշադրությունը հրավիրել այն հանգամանքի վրա, որ նախագահ Արմեն Սարգսյանը չի կատարում Սահմանադրությամբ նախագահին վերապահված գործառույթները, մասնավորապես` չի հետևում Սահմանադրության պահպանմանը, ուստի՝ Արմեն Սարգսյանը ոչ կոմպետենտ կամ fake նախագահ է»։