Հյուսիսային Կովկասը Իրան-Ռուսաստան տնտեսական հարաբերությունների դարպասն է. Իրանի էներգետիկայի նախարար

Հյուսիսային Կովկասը Իրան-Ռուսաստան առեւտրատնտեսական հարաբերությունների դարպասն է: Այս մասին ՌԴ Հյուսիսային Կովկասի հարցերով նախարար Սերգեյ Չերբոտարյովի հետ հանդիպման ժամանակ հայտարարել է Իրան-Ռուսաստան առեւտրատնտեսական համագործակցության համատեղ հանձնաժողովի համանախագահ, Իրանի էներգետիկայի նախարար Ռեզա Արդաքանիանը. հաղորդում է ԻՌՆԱ-ն:

«Այս դարպասը կարեւոր դեր կխաղա հարաբերությունների ընդլայնման գործում»,- ասել է նա: 

Արդաքանիանը կոչ է արել Իրանի եւ ՌԴ-ի կողմից հատուկ ներկայացուցիչներ նշանակել, որոնք կհետեւեն Իրան-Ռուսաստան առեւտրատնտեսական համագործակցության համատեղ հանձնաժողովի 15-րդ նիստի որոշումների իրականացմանը:

Նշենք, որ Իրան-Ռուսաստան համատեղ հանձնաժողովի 15-րդ նիստը, ինչպես նաեւ Իրան-Հյուսիսային Կովկաս առեւտրատնտեսական 2-րդ համագումարը մեկնարկել են այսօր Թեհրանում եւ Սպահանում: