Չինաստանը կոչ է արել ԵՄ-ին` չմիջամտել Հոնկոնգի գործերին

Չինաստանը դժգոհություն և բողոք է հայտնում` կապված Հոնկոնգում զարգացումների վերաբերյալ ԵՄ-ի հայտարարության հետ. հայտնում է РИА Новости-ն: Այդ մասին ասել է Չինաստանի ԱԳՆ պաշտոնական ներկայացուցիչ Գեն Շուանը:

Ավելի վաղ ԵՄ-ն նշել էր, որ կիսում է Հոնկոնգի բնակիչների մտահոգությունը` կապված արտահանձնման մասին օրենքի հետ, որը հավանության դեպքում հնարավորություն կտա Հոնկոնգին հանցագործներին արտահանձնելու երկրների, որոնց հետ արտահանձնման մասին պայմանագիր չունի:

Շուանը շեշտել է, որ Հոնկոնգում կատարվող իրադարձությունները Չինաստանի ներքին քաղաքականությանն են վերաբերում, և ոչ ոք իրավունք չունի միջամտելու դրանց:

Նշենք, որ Հոնկոնգում մի քանի օր է` ցույցեր են: