Միհրան Պողոսյանին Մոսկվայում ապաստան տալու մասին պաշտոնական տեղեկություն դեսպանատունը չի ստացել. ՌԴ դեսպան

ՌԴ նախագահ Պուտինի և ՀՀ վարչապետ Փաշինյանի վերջին հանդիպումը կառուցողական է անցել: Այս մասին լրագրողների հետ հանդիպման ժամանակ ասաց ՀՀ-ում ՌԴ դեսպան Սերգեյ Կոպիրկինը:

«Ես տեղեկություն ունեմ, որ հանդիպումը շատ կառուցողական և արդյունավետ է անցել: Քննարկվել են երկկողմ հարաբերություններին առնչվող հրատապ հարցեր:  Վարչապետն այդ հանդիպմանը գնահատական տվել է: Իմ ընկալումն այնպիսին է, որ այս շփումը մեր երկրների միջև երկար, արդյունավետ քաղաքական բարձր երկխոսություն կառուցելու ևս մեկ քար էր», - նշեց նա:

Անդրադառնալով Միհրան Պողոսյանին ՌԴ-ում ժամանակավոր ապաստան տալու մասին լուրերին` Կոպիրկինը վստահեցրեց, որ ՀՀ-ում ՌԴ դեսպանատունը դրա հետ կապված պաշտոնական տեղեկություն չի ստացել: