Մեր նախարարության անունը պաշտպանության նախարարություն է, պետք է շարունակենք զենք գնել. Տոնոյանը՝ լրագրողներին

Լրագրողներից մեկը «Հաղթանակ» զբոսայգում ՀՀ պաշտպանության նախարար Դավիթ Տոնոյանի հետ զրույցում անտրամաբանական դիտարկում արեց՝ ՀՀ ԱԳՆ-ն խոսում է ժողովուրդներին խաղաղության պատրաստելու մասին, իսկ պաշտպանության նախարարությունը շարունակում է զենք գնել, Ի պատասխան` նախարարը հիշեցրեց. «Մեր նախարարության անունը պաշտպանության նախարարություն է, մենք պետք է շարունակենք զենք գնել, ապահովել անվտանգությունը և բանակցային գործընթացում բարենպաստ պայմաններ ստեղծել վարչապետի ու արտգործնախարարի համար»:

Լրագրողները հարկ համարեցին Դավիթ Տոնոյանին հարց ուղղել նաև զինվորների ներքնաշորերի հետ կապված, թե` ժամանակին մեկանգամյա էր, այսօր որակը բարձրացել է:

«Այն ժամանակ որոշել էին, որ մեկանգամյա օգտագործման լինի և մեծ քանակությամբ, այսօր որակը բարձրացել է, և նրանք պետք է լվանան: Ժողովո'ւրդ, բայց սա այսօր խոսելու բա՞ն է, այսօր Հաղթանակի օրն է»,- պատասխանեց նախարարը: