Եղել են դեպքեր, երբ ես անձնական պատասխանատվություն եմ վերցրել, օրինակ` հոկտեմբերի 2-ին. Փաշինյան

Հեղափոխությունը եղել է թիմային աշխատանքի արդյունք, բայց եղել են դեպքեր, երբ ես անձնական պատասխանատվություն եմ վերցրել, օրինակ` հոկտեմբերի 2-ին. այսօր լրագրողների հետ զրույցում ասաց վարչապետ Նիկոլ Փաշինյանը`անդրադառնալով իր` քաղաքական որոշումները միանձնյա կայացնելու և որևէ այլ տեսակետ չընդունելու հանգամանքին, ինչի ականատեսը հանրությունը եղել է կառավարության նիստերի ժամանակ:

Նա մասնավորապես նշեց. «Քաղաքացիական պայմանագիր» կուսակցությունում երկու ֆորմատ կա, որտեղ ես շաբաթական երկու անգամ քննարկումների եմ մասնակցում՝ վարչության նիստ և նախաձեռնող խումբ: Այդ քննարկումներն այդպիսի հարթակ են, որ ազատ հաղորդակցվենք, տարբեր որոշումներ քննարկենք և լուծենք: Այս 100 փաստերի հեղինակն այն քաղաքական թիմն է և կառավարությունը, որ այսօր երկրում գործում է»,- ասաց վարչապետը:

Անդրադառնալով հոկտեմբերի 2-ի դեպքերին նա նաև հավելեց. «Եթե մենք փորձեինք ժողով անել, բանը բանից կանցներ: Երկրի ղեկավարը պետք է ի վիճակի լինի կայացնել որոշումներ և պատասխանատվություն վերցնել իր վրա»: