Մասիս Մայիլյանը ելույթ է ունեցել Բուենոս Այրեսի գրքի միջազգային փառատոնում

Արգենտինայի Հանրապետությունում գտնվող Արցախի պատվիրակությունը այցի վերջին օրը մասնակցել է Բուենոս Այրեսում կայացած գրքի 45–րդ միջազգային փառատոնին. տեղեկացնում են Արցախի Հանրապետության արտաքին գործերի նախարարությունից: Հայտնի միջազգային միջոցառմանը մասնակից չորս տասնյակից ավելի երկրների շարքում Հայաստանը ներկայացված է առանձին տաղավարով, որի հավաքածուն համալրվել է Արցախի պատվիրակության կողմից նվիրված գրքերով:
 
Փառատոնի շրջանակներում կայացել է միջոցառում՝ նվիրված Հայաստանի Հանրապետությանը, որին ներկա էին ավելի քան 1200 հանդիսականներ: Միջոցառմանը ելույթ է ունեցել Արցախի պատվիրակության ղեկավար Մասիս Մայիլյանը: Իր խոսքում նա, մասնավորապես, ընդգծել է Արցախի ժողովրդի առանձնահատուկ սերը գրքի և ընթերցանության հանդեպ։
 
Նախարար Մայիլյանը շնորհակալություն է հայտնել Արգենտինայի Հանրապետության հայկական կառույցների ներկայացուցիչներին (IARA) և բոլոր նրանց, ովքեր ապահովել են արդյունավետ այցի կազմակերպումը: