Աշխատանքից ազատված տնօրենը դատարանում հաղթել է Մանե Թանդիլյանին

Երևանի ընդհանուր իրավասության դատարանն ապրիլի 26-ին բավարարել է «Երևանի թիվ 1» տուն-ինտերնատի նախկին տնօրեն Վահան Զուրաբյանի հայցն ընդդեմ աշխատանքի և սոցիալական հարցերի նախարարության՝ ի դեմս նախկին նախարար Մանե Թանդիլյանի։

Նախարարության երկարամյա նախկին պաշտոնյան դատարանից պահանջում էր անվավեր ճանաչել իրեն աշխատանքից ազատելու մասին` Թանդիլյանի որոշումը, վերականգնել աշխատանքի և վճարել հարկադիր պարապուրդը։

Երևան քաղաքի դատարանի դատավոր Լիզա Գրիգորյանի վճռել է՝ անվավեր  ճանաչվել ՀՀ աշխատանքի և սոցիալական հարցերի նախարար (նախկին) Մանե Թանդիլյանի հետ  կնքված աշխատանքային պայմանագիրը լուծելու մասին հրամանը և Վահան Զուրաբյանին վերականգնել նախկին աշխատանքում։ Ինչպես նաև  պարտավորեցնել «Երևանի թիվ 1 տուն-ինտերնատ» ՊՈԱԿ-ին` հարկադիր պարապուրդի ամբողջ ժամանակահատվածի համար Վահան Հարությունի Զուրաբյանին վճարել հատուցում նրա միջին աշխատավարձի չափով` սկսած 2018 թ. հոկտեմբերի 10–ից մինչև աշխատանքում փաստացի վերականգնելու օրը։