Թուրքիան իր դժգոհությունն է հայտնել Ճապոնիային` քրդերենի դասավանդման համար

Թուրքիայի արտաքին գործերի նախարարությունը Տոկիոյի վրա ճնշում է գործադրում, որպեսզի վերջ տա Տոկիոյի համալսարանում, ապրիլի 1-ից սկսած, քրդերենի դասավանդումը. հղում անելով Yeni Yaşam թերթին` նշում է ermenihaber.am կայքը:

Տոկիոյի օտարերկրյա հետազոտությունների համալսարանի քրդերեն լեզվի դասախոս Վաքքաս Չոլաքը նշում է, որ Ճապոնիայի կառավարությունը ոչ մի նշանակություն չի տալիս Անկարայի ճնշման փորձերին:

«Անշուշտ, շնորհիվ Ճապոնիայում կրթության ազատության,  ոչ ոք իրավունք չունի միջամտելու ինչ-որ մեկի կրթության ազատությանը: Նույնիսկ Ճապոնիայի կառավարությունը չունի դրա իրավունքը: Դա նշանակում է, որ սա Ճապոնիայի ներքին գործերին միջամտել է: Կարծում եմ` Ճապոնիայի ԱԳՆ-ն համապատասխան հայտարարությամբ կպատասխանի Թուրքիայի ԱԳՆ-ին»,- նշել է Չոլաքը: