Էրդողանի իշխանությունը Թուրքիային կործանման է տանում. ԵԽ պատգամավոր

Եվրախորհրդարանի հոլանդացի պատգամավոր և Թուրքիայի հարցերով զեկուցող Քեթի Փիրին հայտարարել է, որ Էրդողանի ղեկավարած «Արդարություն և զարգացում» կուսակցությունը Թուրքիային տանում է կործանման: «Թուրքիան մամուլի տեսանկյունից երբեք էլ ազատ չի եղել: Սակայն եթե նայենք, թե ուր էր Թուրքիան 10 տարի առաջ և  ուր է հիմա, կտեսնենք, որ ակնհայտ վատթարացում կա: Հարյուր հազարից ավելի մարդ բանտերում է»,- Փիրիի խոսքերն է մեջբերում artigercek.com կայքը:

ԵԽ պատգամավորը  նաև քննադատել է ԵՄ-ին Թուրքիայի հարցում մեղմ դիրքորոշման համար: «ԵՄ լռությունն ավելի է ուժեղացնում Էրդողանի ավտորիտար ռեժիմը. ԵՄ-ն ինչքան լուռ մնա, Էրդողանն այնքան էլ կկարողանա անել իր ուզածը: Այդ իսկ պատճառով ԵԽ-ում պետք է ուժեղ ձայն հանենք»,- ասել է Փիրին: