Խաղաղության կեղծ դիսկուրսով ամենօրյա կործանման են տանում Հայաստանի գոյությունը․ Լիլիթ Գալստյան

Այն իրականություն, որի մեջ ապրում ենք, շատ բնական մի հարց է առաջացնում՝ արդյոք մենք դեռևս ունե՞նք պետականություն, դեռ գոյություն ունի՞ Հայաստանի Հանրապետությունը, և արդյոք այդ թվացյալ Հանրապետությունում կա՞ սահմանադրական կարգ։ Քննարկման ժամանակ ասաց «Հայաստան» խմբակցության պատգամավոր Լիլիթ Գալստյանը։

«Մենք կորցրել ենք մեր սուբյեկտայնությունը, նաև ՀՀ-ում չի գործում Սահմանադրությունը, հետևաբար՝ մենք ո՛չ իրավական պետություն ենք, ո՛չ սոցիալական, առավել ևս՝ ո՛չ էլ ժողովորդավարական։ Եվ այն իշխանությունը, որը թաքնվում է ժողովրդի թիկունքում՝ շարունակ մեր, ձեր երեսին շպրտելով, որ դուք մեզ ձայն եք տվել»,- ասաց պատգամավորը։