Ադրբեջանին հաջողվել է ԵՄ-ի հետ համաձայնագրում տարածքային ամբողջականության մասին դրույթը ներառել. Ասադով

 Ադրբեջանի և ԵՄ-ի միջև ռազմավարական գործընկերության մասին նոր համաձայնագիրը կստորագրվի 2019-ի մայիսի 13-ին: Այդ մասին հայտարարել է Միլի մեջլիսի նախագահ Օքթայ Ասադովը:

Նա հայտնել է, որ Ադրբեջանի տարածքային ամբողջականության մասին դրույթը հաջողվել է ներառել փաստաթղթում, նաև հավելել, որ հայկական լոբբին ցանկանում է խանգարել այդ համաձայնագրի ստորագրմանը:

Հիշեցնենք` Yerkir.am-ն ավելի վաղ, Իսալամական համագործակցության կազմակերպությունում Ադրբեջանի նախկին դեսպան Արիֆ Մամեդովին հղումով, հաղորդել էր, որ Ադրբեջանի և Եվրամիության միջև ստորագրվելիք ռազմավարական գործընկերության մասին համաձայնագրի բովանդակությունը շարունակում են գաղտնի պահել, քանի որ փաստաթղթի տեքստում Լեռնային Ղարաբաղը չի նշվում որպես «Ադրբեջանի անբաժան մաս»: