Սերժ Սարգսյանը կխոսի և ոչ մեկ անգամ. Շարմազանով

2019 թվականին Սերժ Սարգսյանը կխոսի և շուտով: Այս մասին լրագրողների հետ հանդիպման ժամանակ ասաց ՀՀԿ խոսնակ Էդուարդ Շարմազանովը:

«Հաշվի առնելով հանրության մոտ առաջացած սպասելիքները` ասում եմ՝ 2019-ին նա կխոսի և ոչ մեկ անգամ: Սերժ Սարգսյանը մեր կուսակցության առաջնորդն է և բոլոր քաղաքական պրոցեսներին մասնակցություն ունենում  է: Ամեն մեկը խոսում է, երբ դրա ժամանակը գալիս է: Երբ ժամանակը գա, պարոն նախագահը կխոսի»,- շեշտեց նա՝ հավելելով, որ Սերժ Սարգսյանի խոսքին բազմաթիվ քաղաքացիներ են սպասում, առնվազն` 60 հազար հոգի, որոնք իրենց ձայն են տվել:

Շարմազանովը չմեկնաբանեց, թե ինչ էր ցանկացել ասել Սերժ Սարգսյանը՝ հայտարարելով.  «Նիկոլը ճիշտ էր, ես՝ սխալ»: Բայց մի բան պարզ է՝ նա հեռացավ, որպեսզի արյունահեղություն չլինի: