Սերժ Սարգսյանը Եռաբլուրում էր. շուտով կխոսի

ՀՀ երրորդ նախագահ Սերժ Սարգսյանն այսօր գնացել էր Եռաբլուր` Ապրիլյան պատերազմի զոհերի հիշատակը հարգելու:

Լրագրողները ողջ ընթացքում տարբեր հարցեր ուղղեցին նրան, սակայն բոլորը մնացին անպատասխան:

Սարգսյանը արձագանքեց միայն մեկ հարցի` ե՞րբ կխոսի: «Երբ ժամանակը գա»,-  ասաց ՀՀ երրորդ նախագահը:

Նա նաև մեկնաբանեց հարցը, թե Ապրիլյան պատերազմը պայմանավորված է եղել: «Ես հիվանդ մարդկանց հետ գործ չունեմ»,- ասաց Սարգսյանը:

Արմեն Աշոտյանը հավելեց, որ Սերժ Սարգսյանը շուտով խոսելու է հայկական  լսարանի հետ, ձևաչափը դեռ հայտնի չէ: Նա նշեց, որ տարբեր լրատվամիջոցների կողմից ստացել են մոտ մեկ տասնյակ հրավերներ: «Եթե Սերժ Սարգսյանը մնացել է ակտիվ քաղաքականության մեջ, բնական է, որ ասելիք ունի»,- ընդգծեց Աշոտյանը: