Լենա Նազարյանի «ձեռամբ»` Թանդիլյանը «Մանդիլյան» դարձավ

Ազգային ժողովն այսօր նույնպես շարունակում է քառօրյայի աշխատանքները: Այժմ քննարկվում է «Վարչական իրավախախտումների վերաբերյալ» ՀՀ օրենքի նախագծում փոփոխություններ ու լրացումներ կատարելու մասին նախագիծը:

Հարցը զեկուցելու համար նիստը վարող ԱԺ փոխխոսնակ Լենա Նազարյանը  Մանե Թանդիլյանին ամբիոնի մոտ հրավիրելու ժամանակ Թանդիլյանի փոխարեն Մանդիլյան ասաց։  

Նշենք, որ պատգամավորների ազգանունները շփոթելը նորություն չէ խորհրդարանական միջավայրի համար: ԱԺ նախկին նախագահ Գալուստ Սահակյանը որևէ կերպ չէր կարողանում արտաբերել ԲՀԿ-ական պատգամավոր Վահե Էնֆիաջյանի ազգանունը` ամեն անգամ տարբեր կերպ արտաբերելով այն: ԱԺ 5-րդ գումարման «Ժառանգություն» խմբակցության Թևան Պողոսյանի ազգանունը նույնպես հաճախ էին շփոթում: Նրան հաճախ էին դիմում Թևանյան ազգանունով: