Թուրք միլիոնատերերը լքում են երկիրը

Ըստ հարավաֆրիկյան AfrAsia Bank-ի` 2019 թ. Համաշխարհային ունեցվածքի գաղթի զեկույցի` Թուրքիայում 2018 թ. արտագաղթել է դոլարային միլիոնատերերի 10 տոկոսը` 4000 մարդ: Վերջին 4 տարիների ընթացքում այդ արտագաղթը թիվը կազմում է 17 հազար մարդ. հաղորդում է cumhuriyet.com.tr կայքը:

Ըստ զեկույցի` թուրք միլիոնատերերի արտագաղթը տխրեցուցիչ է, քանի որ, ի տարբերություն Չինաստանի և Հնդկաստանի, Թուրքիայում նոր դոլարային միլիոնատերեր չեն առաջանում հների փոխարեն:

Իսկ շվեյցարական Credit Suisse ներդրումային բանկի` 2019 թ. Համաշխարհային ունեցվածքի գաղթի զեկույցի համաձայն էլ` եթե ամբողջ աշխարհում ավելանում է միլիոնատերերի թիվը, ապա Թուրքիայում հակառակ պատկերն է: Նշվում է, որ դրա հիմնական պատճառը տնտեսական ճգնաժամն է և թուրքական լիրայի արժեզրկումը: