Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Թուրքիայի Ազգային մեծ ժողովի նախագահ Մուսթաֆա Շենթոփը քննադատել է Իտալիային, որի Պատգամավորների պալատն ընդունել է Հայոց ցեղասպանության վերաբերյալ բանաձև, և Ֆրանսիային` ապրիլի 24-ը Հայոց ցեղասպանության զոհերի հիշատակի օր հայտարարելու համար:
«Իտալիայի խորհրդարանի` 1915 թվականի իրադարձությունների վերաբերյալ որոշման մասին միայն սա կարող եմ ասել` Իտալիայի Պատգամավորների պալատն իրեն դրել է միջազգային դատարանի տեղը և հանդգնել վճիռ կայացնել միջազգային իրավունքում բացահայտորեն որակված այնպիսի մի առանձնահատուկ հանցանքի վերաբերյալ, ինչպիսին է ցեղասպանությունը: Ցանկանում ենք Իտալիային հիշեցնել Երկրորդ համաշխարհային պատերազմում ունեցած դերի մասին: Ֆրանսիայի նախագահ Մակրոնի` ապրիլի 24-ը Հայոց ցեղասպանության զոհերի հիշատակման օր հայտարարելը, քաղաքական տագնապից, քաղաքական լրջությունից հեռու, անհիմն և անիրավական լինելուց և պատմությունը սևացնելուց բացի, ոչ մի այլ նպատակի չի ծառայում»,- Շենթոփի խոսքերն է մեջբերում sabah.com.tr կայքը: