Օպերայի թատրոնի դերասանական կազմը հանդես է եկել հայտարարությամբ՝ ի պաշտպանություն Կ.Օրբելյանի

Օպերայի և բալետի պետական թատրոնում մեկնարկել է  «Դիմակահանդես» ներկայացումը:Մինչ այդ  թատրոնի դերասանական կազմը հանդես եկավ  հայտարարությամբ՝ ի պաշտպանություն աշխատանքից ազատված տնօրեն և գեղարվեստական ղեկավար Կոնստանտի Օրբելյանի: Օպերայի և բալետի ազգային թատրոնի անձնակազմը պատրաստվում է նամակով դիմել կառավարությանը:

Նշենք, որ աշխատանքից ազատված Կոնստանտին Օրբելյանը կարծում է, որ կա կանխակալ վերաբերմունք իր հանդեպ, քանի որ արդեն 9 ամիս է, փորձ է արվում հեռացնել իրեն այդ պաշտոնից: Մշակույթի նախարարի ժամանակավոր պաշտոնակատար Նազենի Ղարիբյանը հայտարարել էր, որ Կոնստանտին Օրբելյանը տնօրեն է նշանակվել օրենքի խախտումներով: Ըստ Ղարիբյանի, թատրոնի նոր տնօրենի մասին հանրությունը կտեղեկանա ապրիլի 1-ին: