«Աուտիզմ ազգային հիմնադրամ»-ին պետական բյուջեով հատկացվեց 44,326.7 հազար դրամ. գործադիրի որոշում

Հայաստանի Հանրապետության 2019 թվականի պետական բյուջեով «Աուտիզմ և զարգացման այլ խանգարումներ ունեցող երեխաների բուժման, վերականգնման, կրթության և զբաղվածության ապահովում» ծրագրով «Աուտիզմ ազգային հիմնադրամ»-ին առանց մրցույթի, որպես դրամաշնորհ հատկացնել 44,326.7 հազար դրամ: Այս մասին կառավարության արտահերթ նիստին որոշում կայացրեց գործադիրը:

Նախագծի համաձայն՝«Հայաստանի Հանրապետության կառավարության 2018 թվականի դեկտեմբերի 27-ի թիվ 1515-Ն որոշման փոփոխություններ և լրացումներ կատարելու մասին» Հայաստանի Հանրապետության կառավարության որոշման նախագիծը բխում է աուտիզմ և զարգացման խանգարումներ ունեցող երեխաների կրթությանն աջակցող ծառայությունների շարունակականությունն ու «Աուտիզմ ազգային հիմնադրամ»-ի բնականոն գործունեությունն ապահովման անհրաժեշտությունից:

Ստացվում է, որ Հայաստանի Հանրապետության կառավարության սույն որոշման նախագծի ընդունման արդյունքում կապահովվի աուտիզմ և այլ զարգացման խանգարումներ ունեցող երեխաների բուժման վերականգնման, կրթության և զբաղվածության ապահովման ծառայությունների բնականոն գործունեությունը: