Քննադատում ենք Չեխիայի հայտարարությունը. Թուրքիայի ԱԳՆ խոսնակ

Թուրքիայի արտաքին գործերի նախարարության խոսնակ Համի Աքսոյը անդրադարձել է Չեխիայի նախագահ Միլոշ Զեմանի հայտարարությանը: «Զեմանն իր հարցազրույցում մեր երկրի և հարգելի նախագահի դեմ օգտագործել է իրականությունից դուրս, ստերով և զրպարտանքներով լի հայտարարություն: Մենք չենք ընդունում այդ մեղադրանքները և խստորեն դատապարտում ենք: Մի երկրի նախագահի կողմից, որից պատասխանատվություն են սպասում, այսպիսի անհիմն մեղադրանքներ հայտնելը մնացածի համար պետք է դաս լինի»,- Աքսոյի խոսքերն է մեջբերում «Անադոլու» գործակալությունը:

Նշելով, որ Թուրքիան արդեն երկար ժամանակ պայքարում է ահաբեկչության դեմ և մեծ ներդրում ունի Եվրոպայի անվտանգության հարցում, նա հայտարարել է, որ «այս զրպարտանքները չեն համապատասխանում Չեխիայի հետ ունեցած ավանդական բարեկամական և դաշնակցային հարաբերություններին»: