ԱՄՆ-ն այս տարի նախատեսում է ՄՓՀՀՊ-ով 30 տարի արգելված հրթիռների փորձարկումներ իրականացնել

Ամերիկայի Միացյալ Նահանգներն այս տարի նախատեսում է հրթիռների այնպիսի փորձարկումներ իրականացնել, որոնք ավելի քան 30 տարի արգելված էին ՄՓՀՀՊ-ով: Այս մասին հայտնում է Associated Press-ը`հղում տալով սեփական աղբյուրներին:

Ըստ գործակալության աղբյուրի՝ օգոստոսին նախատեսվում է մոտ 1000 կմ շառավղով թևավոր հրթիռի արձակում. այն նախատեսված է տեղադրել նավերի կամ շարժական համալիրների վրա:

Իսկ արդեն ընդամենը 3 ամիս անց`նոյեմբերին ակնկալվում է իրականացնել մոտ 3-4 կմ շառավղով բալիստիկ հրթիռի փորձարկում:

«Նոր թևավոր հրթիռները կարող են 1.5 տարվա ընթացքում տեղակայվել: Ինչ վերաբերում է բալիստիկ հրթիռներին, ապա դրանք, ըստ Պենտագոնի բարձրաստիճան պաշտոնյայի, կարող են մարտական հերթապահության անցնել 5 տարուց ոչ շուտ»,- հայտնում է լրատվական գործակալության աղբյուրներից մեկը: