Զինծառայողը մահացել է ձորը սայթաքելու հետևանքով

Yerkir.am-ը ավելի վաղ տեղեկացրել էր, որ երեկ ՀՀ  հյուսիսարևելյան սահմանագոտում ծառայողական պարտականությունները կատարելիս մահացել է ՀՀ ԶՈւ N զորամասի զինծառայող, շարքային-բուժակ Համլետ Հրաչի Ավագյանը` ծնված 2000 թվականին:

ՀՀ Քննչական կոմիտեն դեպքի առթիվ նոր մանրամասներ է հաղորդել: Հայտարարությունում, մասնավորապես, նշված է.

«2019թ. մարտի 12-ին՝ ժամը 17:00-ի սահմաններում, ՀՀ ՊՆ N զորամասի ջոկի սանհրահանգիչ, պարտադիր ժամկետային զինծառայող, շարքային Համլետ Հրաչի Ավագյանը բուժօգնություն ցուցաբերելու նպատակով մարտական հենակետից այլ մարտական հենակետ գնալու ճանապարհին սայթաքել է և ընկել ձորը: Ստացած մարմնական վնասվածքներից Հ.Ավագյանը մահացել է:

Դեպքի առթիվ ՀՀ քննչական կոմիտեի ԶՔԳՎ հինգերորդ կայազորային քննչական բաժնում նախապատրաստվում են նյութեր»: